• search
For Quick Alerts
ALLOW NOTIFICATIONS  
For Daily Alerts

பிரதமருக்கு வீடியோ கேசட் அனுப்பினார் கருணாநிதி

By Staff
|

சென்னை:

திமுக பேரணியில் தொண்டர்களை ரெளடிகள் வெட்டும் காட்சிகளைக் கொண்ட வீடியோ கேசட் மத்திய அரசுக்குஅனுப்பப்பட்டுள்ளது என அக் கட்சியின் தலைவர் கருணாநிதி கூறினார்.

சென்னையில் திங்கள்கிழமை நிருபர்களிடம் அவர் கூறுகையில்,

இதே போன்ற ஆதாரம் யாரிடம் இருந்தாலும் என்னிடம் தரலாம். அதை மத்திய அரசுக்கு நிச்சயம் அனுப்பிவைப்போம்.

ரவுடிகளால் திமுகவினர் வெட்டப்படும் கோரக் காட்சிகள் கொண்ட வீடியோவை பிரதமருக்கும் உள்துறைஅமைச்சர் அத்வானிக்கும் அனுப்பியுள்ளேன்.

போலீசாரின் உதவியுடன் தான் இந்த குண்டர்கள் திமுக தொண்டர்களைத் தாக்கினர். பேரணியில் நடந்த வன்முறைகுறித்து போலீசார் விளக்கமளிக்க வேண்டும் என காங்கிரஸ் கட்சியின் மாநிலத் தலைவர் இளங்கோவனேகூறியிருக்கிறார். அதிமுக கூட்டணியில் இருந்தாலும் கூட நீதிக்கும், அநீதிக்கும் இடையே வித்தியாசம் காணஅவரால் முடிகிறது.

ராமதாஸ் புதிதாக மூன்றாவது அணி அமைக்கப் போவதாகக் கூறுகிறார். அவரது கட்சியின் முயற்சிகளுக்கு நான்தடையாக இருக்க மாட்டேன். திமுக, அதிமுகவுக்கு அரசியல் கலாச்சாரம் தெரியவில்லை என ராமதாஸ் குற்றம்சாட்டியிருக்கிறார். அதைப் பற்றி கருத்து கூற நான் விரும்பவில்லை.

இவ்வாறு கருணாநிதி கூறினார்.

வரன் தேடுகிறீர்களா? தமிழ் மேட்ரிமோனியில் இன்றே பதிவு செய்யுங்கள் - பதிவு இலவசம்!

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X