நாங்க உள்ளே போனா நீங்க வெளியே.. ஜெ

சென்னை:

தேசிய ஜனநாயகக் கூட்டணியில் சேர்வதற்குத் தயார் என்று நாங்கள் சொன்னால், திமுகவை உடனே பா.ஜ.க.வெளியேற்றி விடும் என்று தமிழக முதல்வர் ஜெயலலிதா சட்டசபையில் கூறினார்.

கல்வித்துறை மானியக் கோரிக்கைகள் மீதான விவாதத்தின்போது, கல்வி அமைச்சர் தம்பிதுரை, "தமிழ் மொழியைஆட்சி மொழியாக்க வேண்டும் என்று நாங்கள் தே.ஜ. கூட்டணியில் இருக்கும்போது மத்திய அரசைவற்புறுத்தினோம். ஆனால் அவர்கள் எங்கள் கோரிக்கையை ஏற்கவில்லை.

இதனால், தமிழக திட்டங்களை நிறைவேற்றாத பாஜகவுடன் உறவு வேண்டாம் என்று ஜெயலலிதா அறிவித்தார்"என்று கூறினார்.

உடனே திமுக எம்.எல்.ஏவான துரைமுருகன் எழுந்து, "திமுக ஆட்சியைக் கலைக்க பாஜக அரசு மறுத்ததால்தான்,நீங்கள் கூட்டணியில் இருந்து விலகினீர்கள். தற்போது தே.ஜ. கூட்டணியிலிருந்து திமுக வெளியே வந்துவிட்டால்,உள்ளே போகமாட்டோம் என்று நீங்கள் சத்தியம் செய்யத் தயாரா?" என்றார்.

அப்போது திடீரென்று எழுந்த ஜெயலலிதா, "கூட்டணியிலிருந்து திமுக தானாக வெளியே வரவேண்டும்என்றில்லை. நாங்கள் (அதிமுக) வருகிறோம் என்று ஒரு வார்த்தை சொன்னால் போதும். உங்களை பாஜகவெளியே அனுப்பிவிடும்" என்றார்.