இலங்கை டெஸ்ட்: தொடரை வெல்வது யார்?

கொழும்பு:

இந்தியா-இலங்கை அணிகளுக்கிடையிலான முக்கியமான 3வது டெஸ்ட் கிரிக்கெட் இன்று (புதன்கிழமை)துவங்கியது.

இப்போட்டியில் கட்டாயம் வெற்றி பெற்றே ஆகவேண்டிய கட்டாயத்தில் இந்தியா உள்ளது. கங்குலிக்கும் இதேநிலைதான்.

தொடர்ந்து படு மோசமாக ஆடி வந்த இந்திய கேப்டன் கங்குலி, கடந்த வாரம் நடந்த 2வது டெஸ்ட் போட்டியின்2வது இன்னிங்ஸில் மட்டும் பிரமாதமாக விளையாடி, 98 ரன்கள் எடுத்ததோடு மட்டுமல்லாமல், இந்தியாவைவெற்றிப் பாதைக்கும் அழைத்துச் சென்றார்.

அதே சூட்டோடு, தற்போது இந்திய அணியினர் களம் இறங்கியுள்ளனர். டாஸ் வென்ற கங்குலி, பேட் செய்யத்தீர்மானித்தார்.

இறுதிப் போட்டி என்றாலே கை-காலெல்லாம் உதறலெடுக்கும் இந்திய அணிக்கு, இந்த டெஸ்ட்டாவது புதுத்தெம்பைக் கொடுக்குமா என்பது இரண்டொரு நாட்களிலேயே தெரிந்து விடும்.

இது தவிர, வெளிநாட்டில் டெஸ்ட் தொடரை இந்திய அணியினர் வென்று 8 ஆண்டுகள் ஆகிவிட்டன. கடந்த1993-94ல் இதே இலங்கை அணியினரை வென்றுதான், டெஸ்ட் தொடரை இந்தியா வென்றது.

தற்போது, மீண்டும் டெஸ்ட் தொடரை வென்று, அந்தப் பெருமையை இந்திய அணி தக்க வைத்துக் கொள்ளுமாஎன்பதைப் பொறுத்திருந்துதான் பார்க்க வேண்டும்.

இந்த டெஸ்ட் தொடரை வென்றால், தண்டுல்கர் இல்லாமலேயே வெற்றி பெற முடியும் என்றும் இந்திய அணியினர்பெருமையோடு கூறிக் கொள்ளலாம்.