தனியார் விமானங்கள் அந்தமானில் இறங்க மத்திய அரசு அனுமதி

சென்னை:

தனியார் பயன்படுத்தும் விமானங்களையும் (சார்ட்டர்டு பிளைட்ஸ்) அந்தமான் தலைநகர் போர்ட்பிளேரில் தரைஇறக்குவதற்கு மத்திய விமானப் போக்குவரத்து அமைச்சகம் அனுமதி அளித்துள்ளது.

இதுவரை அந்தமான்-நிகோபார் தீவின் விமான நிலையத்தில் தனியார் பயன்படுத்தும் விமானங்கள் தரையிறங்கஅனுமதிக்கப்படவில்லை.

ஆனாலும் விமானத்துறையின் நிர்வாக இயக்குனர் விதிக்கும் கட்டுப்பாடுகள், விதிமுறைகள் ஆகியவற்றின்அடிப்படையில்தான் தனியார் பயன்படுத்தும் விமானங்கள் அந்தமானில் தரையிறங்க அனுமதிக்கப்படும்.

இந்த தகவல் சென்னையில் அரசு வெளியிட்டுள்ள செய்திக்குறிப்பில் தெரிவிக்கப்பட்டுள்ளது.

போர்ட்பிளேர் விமான நிலையத்தின் ஓடுதளம் 6,000 அடியிலிருந்து 11,000 அடியாக தற்போதுஅதிகரிக்கப்பட்டுள்ளது என்பது குறிப்பிடத்தக்கது..