மூப்பனார் தொடர்ந்து கவலைக்கிடம்

சென்னை:

தமிழ் மாநில காங்கிரஸ் தலைவர் மூப்பனாரின் உடல் நிலை தொடர்ந்து கவலைக்கிடமாகவே இருந்து வருவதாகமருத்துவர்கள் தெரிவித்தனர்.

4 நாட்களுக்கு முன் நுரையீரலில் ஏற்பட்ட பிரச்சனை காரணமாக, மூப்பனாருக்கு மூச்சு விடுவதில் சிரமம்ஏற்பட்டது. இதையடுத்து, அவருடைய உடல் நிலையில் பெரும் பின்னடைவு ஏற்பட்டது.

தொடர்ந்து அவருக்குத் தீவிர சிகிச்சை அளிக்கப்பட்டு வருகிறது. அவருக்கு மேற்கொள்ளப்பட்டு வரும் சிகிச்சைமுறைகளில் மாற்றம் ஏற்பட்டதையடுத்து, அவருடைய உடல் நிலையில் சிறிது முன்னேற்றம் ஏற்பட்டது.

ஆனாலும், தற்போது அவர் உடல்நிலை கவலைக்கிடமாக இருந்து வருகிறது. பல்வேறு துறைகளைச் சேர்ந்தமருத்துவர்கள் 24 மணி நேரமும் மூப்பனாரின் உடல் நிலையைத் தீவிரமாகக் கண்காணித்து வருகின்றனர்.

இந்நிலையில், போரூர் ராமச்சந்திரா மருத்துவமனைக்கு புதன்கிழமை காலை சென்ற திமுக தலைவர் கருணாநிதி,மருத்துவர்களிடமும் மூப்பனாரின் உறவினர்களிடமும் அவருடைய உடல் நலம் பற்றி விசாரித்தார். தாமகஜனநாயகப் பேரவைத் தலைவர் ப. சிதம்பரமும் மருத்துவமனைக்குச் சென்று மூப்பனாரின் உடல் நலம் பற்றிவிசாரித்தார்.

மூப்பனார் விரைவில் உடல் நலம் பெறவேண்டும் என்பதற்காக, பல்வேறு கோவில்களிலும் தமாகா தொண்டர்கள்விசேஷ பிரார்த்தனை நடத்தி வருகிறார்கள்.