வெளிநாடுகளில் "இந்திய" சாப்ட்வேர் பார்க்குகள்

பெங்களூர்:

தங்கள் நாடுகளிலும் சிறந்த சாப்ட்வேர் பார்க்குகளை அமைத்துத் தரும்படி, மொரீசியஸ், அல்ஜீரியா மற்றும்புருனே போன்ற நாடுகள் இந்தியாவைக் கேட்டுக் கொண்டிருக்கின்றன.

பெங்களூரில் நடந்த ஒரு தகவல் தொழில்நுட்ப மாநாட்டில் பேசிய மத்திய தகவல் தொழில்நுட்ப அமைச்சகஇணைச் செயலாளர் எஸ். லக்ஷ்மி நாராயணன் மேலும் கூறியதாவது:

ஏற்கனவே இதுபோன்ற ஒரு சாப்ட்வேர் பார்க்கை நேபாள நாட்டிற்காக இந்தியா அமைத்துக் கொடுத்துள்ளது.

அந்த வகையில், மொரீசியஸ், அல்ஜீரியா மற்றும் புருனே ஆகிய நாடுகளும் இந்தியாவைத் தற்போது தொடர்புகொண்டிருக்கின்றன. தங்கள் நாடுகளிலும் இதுபோன்ற சாப்ட்வேர் பார்க்குகளை அமைத்துத் தரவேண்டும் என்றுஅந்நாடுகள் கேட்டுள்ளன.

இந்தியாவின் வடகிழக்கு மாநிலங்கள் முழுவதும் விரைவில் தகவல் மையங்கள் மூலம் இணைக்கப்பட உள்ளன.வி-சாட் என்ற செயற்கைக்கோள் தொடர்பு மூலமாக, ரூ.220 கோடி செலவில் இப்பணிகள் மேற்கொள்ளப்படஉள்ளன.

இதன் மூலம் ஒவ்வொரு மையமும் 15 கம்யூட்டர்கள் உதவியுடன் இணைக்கப்படும். இதுபோன்ற 30 வி-சாட்இணைப்புகள் ஏற்கனவே அமைக்கப்பட்டுள்ளன என்றார் லக்ஷ்மி நாராயணன்.