ஆயிரக்கணக்கானவர்கள் அஞ்சலி

சென்னை:

மறைந்த தலைவர் மூப்பனாரின் உடல் மயிலாப்பூரில் அவரது இல்லத்தில் பொதுமக்கள் அஞ்சலிக்காக வைக்கப்பட்டுள்ளது.

தமிழக முதல்வர் ஜெயலலிதா, முன்னாள் முதல்வரும் திமுக தலைவருமான கருணாநிதி,தமிழக ஆளுனர் ரங்கராஜன், பாண்டிச்சேரி முதல்வர் சண்முகம், மகாராஷ்டிர முதல்வர்விலாஸ்ராவ் தேஷ்முக்,

சென்னை நகர மேயர் மு.க. ஸ்டாலின், முன்னாள் தமிழக அமைச்சரும், சட்டசபைஎதிர்க்கட்சி தலைவரமான அன்பழகன், முன்னாள் மத்திய அமைச்சரும் தமாகாஜனநாயக பேரவை தலைவருமான ப.சிதம்பரம்,

த.மா.கா. தலைவர்களான பீட்டர் அல்போன்ஸ், ஜெயந்தி நடராஜன்,சோ.பாலகிருஷ்ணன், எஸ்.ஆர் பாலசுப்ரமணியன் உள்ளிட்டோர் மூப்பனாரின்உடலுக்கு மலர் வளையம் வைத்து அஞ்சலி செலுத்தினர்.

தென்னிந்திய திரைப்பட சங்க தலைவரும், நடிகருமான விஜயகாந்த் உள்ளிட்ட பலநடிகர் நடிகைகளும் மூப்பனாருக்கு மலர் வளையம் வைத்து அஞ்சலி செலுத்தினர்.விஜய்காந்த் மூப்பானாரின் உடலைக் கண்டவுடன் கதறிவிட்டார்.

கலங்கிய விழிகளுடன் மக்கள்

கலங்கிய கண்களுடன் பெருந்திரளான பொதுமக்கள் அமைதியான முறையில்மூப்பனாருக்கு அஞ்சலி செலுத்தி வருகின்றனர்.

மூப்பனாருக்கு இறுதி சடங்கில் கலந்து கொள்வதற்காக அகில இந்திய காங்கிரஸ் கட்சிதலைவர் சோனியா காந்தி சென்னை வருகிறார்.

சோனியா வருகை

முன்னதாக மூப்பனாரின் உடல் நலம் குறித்து விசாரிக்க சோனியா காந்தி இன்று(வியாழக்கிழமை) காலை சென்னை வருவதாக இருந்தார். ஆனால், இதற்குள்மூப்பனார் காலமாகிவிட்டார். இதையடுத்து அவரது இறுதிச் சடங்கில் கலந்து கொள்ளசோனியா சென்னை வருகிறார்.

மூப்பனாரின் பிறந்து ஊர் தஞ்சாவூர் மாவட்டத்திலுள்ள கபிஸ்தலம். அவர் செல்வச்செழிப்பு மிகுந்த குடும்பத்தில் பிறந்திருந்தாலும் எளிமையான வாழ்க்கை வாழ்ந்தவர்.

கும்பகோணத்தில் கடைகள் அடைப்பு

அவர் ஏழை,பணக்காரன் பாகுபாடு இல்லாமல் அனைவரிடமும் இனிமையாகபழகியவர். அவருக்கு அஞ்சலி செலுத்தும் விதமாக கும்பகோணம், பாபாநாசம்,சுவாமிமலை உள்ளிட்ட பல இடங்களில் கடைகள் அனைத்தும் மூடப்பட்டுள்ளன.

பள்ளிகளுக்கு விடுமுறை

பள்ளி கல்லூரிகளுக்கு விடுமுறை அறிவிக்கப்பட்டுள்ளது. திரைஅரங்குகளில்காட்சிகள் ரத்து செய்யப்பட்டுள்ளது.

காமராஜர் அரங்கிற்கு...

மூப்பனாரின் உடல் வியாழக்கிழமை மாலை காமராஜர் அரங்கிற்கு கொண்டுவரப்பட்டு பொதுமக்கள் அஞ்சலிக்காக வைக்கப்பட உள்ளது. வெள்ளிக்கிழமை இறுதிசடங்கு நடைபெறுகிறது. தனது இறுதி மூச்சுவரை மூப்பனார் சொல்ல மறக்காத ஒரேபெயர் காமராஜர் தான்.

காமராஜரின் நெருக்கமான அன்பைப் பெற்றவர் மூப்பனார். காமராஜரை தனதுதெய்வமாகவே மதித்தவர் மூப்பனார்.

மூப்பனாரின் உடலை காமராஜர் அரங்கில் வைப்பது தான் முறையும் கூட.