மூப்பனாரின் உடல் முழு அரசு மரியாதையுடன் தகனம்

சென்னை:

மறைந்த தமிழ் மாநில காங்கிரஸ் தலைவர் ஜி. கருப்பையா மூப்பனாரின் உடல் இன்று (வெள்ளிக்கிழமை) மாலைதகனம் செய்யப்பட்டது.

போலீசாரின் 3 குண்டுகள் முழங்க அவரது உடல் முழு அரசு மரியாதையுடன் தகனம் செய்யப்பட்டது.

மாலை 4 மணிக்கு மூப்பனாரின் உடல், காமராஜர் அரங்கிலிருந்து ஊர்வலமாக எடுத்துச் செல்லப்பட்டது.

ஊர்வலத்திற்குப் பின்னர், தேனாம்பேட்டையில் உள்ள காங்கிரஸ் மைதானத்திற்கு அவருடைய உடல் எடுத்துச்செல்லப்பட்டது.

அங்கு ஏற்கனவே தயார் நிலையில் இருந்த மயானத்தில், மூப்பனாரின் உடல் தகனம் செய்யப்பட்டது.

மூப்பனாரின் மகன் கோவிந்தவாசன், அவருடைய உடலுக்குத் தீ மூட்டினார்.

தகனம் நடந்த இடத்தில் துணை ஜனாதிபதி கிருஷ்ணகாந்த், முதல்வர் ஜெயலலிதா, காங்கிரஸ் தலைவர்கள் பிரணாப்முகர்ஜி மற்றும் குலாம் நபி ஆசாத், அனைத்துக் கட்சித் தலைவர்கள் ஆகியோர் இருந்தனர்.

ஆயிரக்கணக்கான த.மா.கா., காங்கிரஸ் தொண்டர்களும் அங்கு கூடினர்.

ஊர்லமாக எடுத்து வரப்பட்ட அவரது உடலுடன் ஆயிரக்கணக்கான பொது மக்கள் நடந்து வந்தனர்.