அமெரிக்க ஓபன் டென்னிஸ்: பயஸ்-பூபதி தோல்வி

நியூயார்க்:

இந்தியாவின் லியாண்டர் பயஸ் - மகேஷ்பூபதி ஜோடி அமெரிக்க ஓபன் டென்னில் போட்டியின் முதல் சுற்றில்தோல்வியடைந்தனர்.

இந்தியாவின் டென்னிஸ் நம்பிக்கை நட்சத்திரங்கள் லியான்டர் பயசும், மகேஷ் பூபதியும். இவர்கள் இருவரும்இணைத்து பல போட்டிகளில் வென்று இந்தியாவுக்கு பெருமை தேடித் தந்திருக்கிறார்கள்.

இந்த இரட்டையர் ஜோடி உலக ராங்கிங்கில் முதல் ராங்கையும் பெற்று சாதனை படைத்த ஜோடி.

இந்த ஜோடி பிரென்ச் ஓபன் டென்னிஸ் போட்டியை இரண்டு முறை தொடர்ந்து வென்றது.

லியாணடர் பயஸ் 1996ம் ஆண்டு நடந்த ஒலிம்பிக் போட்டியில் டென்னிஸ் ஒற்றையர் போட்டியில் வெண்கலபதக்கம் வென்றார். ஒலிம்பிக் போட்டியில் டென்னிசில் இந்தியா வென்ற முதல் பதக்கம் இதுதான் என்பதும், அந்தஒலிம்பிக் போட்டியில் இந்தியா பெற்ற ஒரே பதக்கமும் இதுதான் என்பதும் குறிப்பிடத்தக்கது.

தற்போது அமெரிக்கா, நியூயார்க் நகரில் அமெரிக்க ஓபன் டென்னிஸ் போட்டிகள் நடைபெற்று வருகின்றன.

இந்த போட்டிகளில் உலக ராங்கிங்கில் 5வது இடம் பிடித்துள்ள லியாண்டர் பயசும்,மகேஷ் பூபதியும் இந்தியாவின்சார்பில் பங்கேற்றுள்ளனர்.

இந்த இரட்டையர் ஜோடி இந்த முறை சாம்பியன் வெல்லும் என்று இந்திய டென்னிஸ் ரசிகர்கள் ஆவலுடன்காத்திருந்தனர்.

இந்நிலையில் இன்று (வியாழக்கிழமை) நடைபெற்ற துவக்க ஆட்டத்திலேயே லியாண்டர் பயஸ்- மகேஷ் பூபதிஜோடி தோல்வியடைந்தது. இவர்கள் 6-7 (4-7) 1-6 என்ற நேர் செட்களில் தோல்வியடைந்தனர்.