பொறியியல் கல்லூரிகளில் 20,000 காலியிடங்கள்

சென்னை:

தமிழக பொறியியல் கல்லூரிகளில் 20,000க்கும் மேற்பட்ட காலியிடங்கள் உள்ளதாக மாநில கல்வித்துறைஅமைச்சர் தம்பிதுரை சட்டசபையில் செவ்வாய்க்கிழமை தெரிவித்தார்.

சட்டசபையில் தமிழ் மாநில காங்கிரஸ் உறுப்பினர் ஞானசேகரன் கொண்டு வந்த கவன ஈர்ப்புத் தீர்மானத்திற்குதம்பிதுரை பதிலளிக்கையில் கூறியதாவது:

மாநில அரசுகளின் ஆலோசனையைப் பெறாமலேயே தேசிய தொழில் கல்விக் கவுன்சில் தமிழகத்தில் 66 சுயநிதிபொறியியல் கல்லூரிகளுக்கு அனுமதி அளித்து விட்டது. இதன் காரணமாகவே தமிழகத்தில் இத்தனைகாலியிடங்கள் ஏற்பட்டு விட்டது.

தமிழகத்தில் தற்போது 220 பொறியியல் கல்லூரிகள் உள்ளன. இவற்றில் மொத்தம் 62,947 இடங்கள் உள்ளன.இவற்றில் ஒற்றைச் சாளர முறை மூலம், இந்த ஆண்டு இதுவரை 40,368 மாணவர்கள் சேர்த்துக்கொள்ளப்பட்டுள்ளனர்.

இன்னும் 20,000க்கும் மேற்பட்ட இடங்கள் காலியாகவே உள்ளன என்று தம்பிதுரை கூறினார்.