மணிப்பூர் அரசைக் கலைக்க மத்திய அரசு ஒப்புதல்

டெல்லி:

மணிப்பூர் சட்டசபையை கலைக்க மத்திய அமைச்சரவை இன்று (செவ்வாய்க்கிழமை) ஒப்புதல் அளித்துள்ளது.

மணிப்பூர் ஆளுநர் வேத் மார்வா மணிப்பூர் சட்டசபையை கலைக்குமாறு செய்த பரிந்துரை குறித்து விவாதிக்கமத்திய அமைச்சரவை கூடியது.

அரசியல் சட்டம் 174 (2பி) பிரிவின் கீழ் மணிப்பூர் சட்டசபையை கலைக்குமாறு ஜனாதிபதிக்கு பரிந்துரை செய்வதுஎன்று அப்போது முடிவு செய்யப்பட்டது.

மத்திய அமைச்சரவை கூட்டத்திற்கு பின், நிருபர்களிடம் பேசிய அருண் ஜேட்லி, "அரசியல் அமைப்புச் சட்டம் 174(2பி) பிரிவின் கீழ் சட்டசபையை கலைக்குமாறு பரிந்துறை செய்ய ஆளுநருக்கு உரிமை உண்டு. அதன்படிதான்,மணிப்பூர் ஆளுநர் பரிந்துரை செய்தார். மத்திய அரசும் தற்போது இதற்கு ஒப்புதல் அளித்துள்ளது" என்றார்.

இதையடுத்து, மத்திய அரசின் ஒப்புதல் ஜனாதிபதியின் பரிந்துரைக்காக அவருக்கு அனுப்பப்பட்டுள்ளது.