• search
For Quick Alerts
ALLOW NOTIFICATIONS  
For Daily Alerts

நஷ்டத்தில் இயங்கும் அரசு சிமெண்ட் நிறுவனங்கள்

By Staff
|
சென்னை:

தமிழக அரசுக்குச் சொந்தமான சிமெண்ட் நிறுவனங்களில் பலகோடி ரூபாய் நஷ்டம் ஏற்பட்டுள்ளதாகசட்டசபையில் தெரிவிக்கப்பட்டது.

சிமெண்ட் விலை கிடுகிடுவென உயர்வதும், பிறகு சற்றே குறைவதும் வாடிக்கையானதுதான். விலை என்னவாகஇருந்ததாலும் நாளுக்கு நாள் சிமென்ட் தேவை அதிகரித்துக கொண்டுதான் இருக்கிறது. இதற்கு பெருகி வரும்மக்கள் தொகையும் அதனால் வீடுகள் கட்டப்படுவது அதிகரித்துவருவதும் காரணங்களாகச் சொல்லப்படுகின்றன.

சமீபத்தில் சிமெண்ட் விலை வெகுவாகக் குறைந்தது. இருப்பினும் சிமென்ட் உற்பத்திக்கு ஆகும் செலவு அதிகரித்துவருவதால், சிமெண்ட் தொழிற்சாலைகள் நஷ்டத்தில் இயங்குவதாகக் கூறப்படுகிறது. அரசுக்குச் சொந்தமானபெரிய நிறுவனங்களின் நிலை குறித்து சட்டசபையில் நடந்த விவாதத்தின்போது கூறப்பட்டதாவது:

ஆலங்குலத்தில் உள்ள அரசு சிமெண்ட் தொழிற்சாலையில், 2000-01ம் நிதி ஆண்டில் ஆலையின் மொத்தப்பயன்பாடு 76 சதவீதமாக அதிகரித்திருக்கிறது. ஆனால் உற்பத்திக்கு ஆகும் செலவைக் குறைக்க முடியாதகாரணத்தால், ரூ.9.27 கோடி நஷ்டம் ஏற்பட்டுள்ளது.

இந்த ஆண்டின் முதல் கால் பகுதியில் சந்தை நிலவரம் மிக மோசமாக இருந்ததால் ஆலையின் மொத்தப் பயன்பாடு43 சதவீதத்திற்கும் தாண்டாமல் கட்டுப்படுத்தப்பட்டது. பிறகு அடுத்து வந்த 2, 3 மற்றும் 4-வது கால் பகுதிகளில்சந்தை நிலவரம் ஓரளவு சீரானதைத் தொடர்ந்து, ஆலையின் உற்பத்தி 86 சதவீதம் வரை வந்தது.

இருப்பினும் சிமெண்ட் விலை இறக்கத்தின் காரணமாகவும், உற்பத்திச் செலவினங்களின் காரணமாகவும் நஷ்டமேஏற்பட்டுள்ளது.

இதேபோல அரியலூர் சிமெண்ட் ஆலையிலும் ரூ.13.08 கோடி நஷ்டம் ஏற்பட்டுள்ளது. ஆனால் ஆலையின்சராசரி உற்பத்தி 92 சதவீதமாக இருந்தது.

மேலும் ஆலங்குலத்தில் இயங்கும் கல்நார்த் தகடு ஆலையிலும் ரூ.30.64 லட்சம் நஷ்டம் ஏற்பட்டுள்ளது.வியாபாரத்தில் நிலவும் கடுமையான போட்டியின் காரணமாகவும், உற்பத்திச் செலவினங்களாலும் இந்த நஷ்டம்ஏற்பட்டுள்ளதாகக் கூறப்படுகிறது.

இதேபோல, மாயனூர் மற்றும் விருதாச்சலம் ஆகிய இடங்களில் உள்ள குழாய்கள் தயாரிக்கும் ஆலைகளும்,ஆர்டர்கள் இல்லாததால் செயல்படாமல் உள்ளன. இதன் மூலம் ஆண்டுக்கு ரூ.7 கோடிக்கு மேல் நஷ்டம்ஏற்படுகிறது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

lok-sabha-home

 
 
 

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more