"எங்கள் தலைவரை கருணாநிதி என்பதா?" - திமுகவினர் கொந்தளிப்பு

சென்னை:

சட்டசபையில் அமைச்சர் திருநாவுக்கரசு பேசும்போது திமுகவினர் எழுந்து, "எங்கள் தலைவரைக் கருணாநிதி என்றுஒருமையில் பேசக் கூடாது" என்று எதிர்ப்புத் தெரிவித்தனர்.

சட்டசபையில் செய்தி மற்றும் விளம்பரத்துறை மானியக் கோரிக்கைகள் மீதான விவாதம் நடந்து வருகிறது.அப்போது திரைப்பட நகரின் பெயரை மாற்றியது தவறு என்று வில்லிவாக்கம் தொகுதி திமுக உறுப்பினர் நடிகர்நெப்போலியன் பேசினார்.

இதற்குப் பதிலளித்த செய்தி மற்றும் விளம்பரத் துறை அமைச்சர் திருநாவுக்கரசு, "திமுகவை எதிர்க்கத்தான்அதிமுகவை எம்.ஜி.ஆர். உருவாக்கினார். எம்.ஜி.ஆர். பற்றிப் பேச திமுகவுக்கு என்ன தகுதி இருக்கிறது?கருணாநிதிக்கு என்ன தகுதி இருக்கிறது?" என்றார்.

இவ்வாறு அமைச்சர் பேசியபோது, திமுக உறுப்பினர்கள் துரைமுருகன், பொன்முடி மற்றும் பரிதி இளம்வழுதிஆகியோர் கோபத்துடன் எழுந்து, "அமைச்சர் எங்கள் தலைவரை ஒருமையில் பேசுகிறார், பொதுக் கூட்டம் போல்பேசுகிறார்" என்று கூறினர்.

இதையடுத்து சபாநாயகர் அமைச்சரிடம், "எதிர்கட்சித் தலைவரை முன்னாள் முதல்வர் என்று கூறுங்கள்" என்றார்.

இதையடுத்து அந்தப் பிரச்சனை சுமூகமாக முடிந்தது.