புதிய தமிழகம் தலைவர் அமெரிக்கா பயணம்

சென்னை:

அமெரிக்காவில் நடைபெறும் அரசியல் தலைவர்கள் மாநாட்டில் கலந்துகொள்ள புதிய தமிழகம் கட்சித் தலைவர்டாக்டர் கிருஷ்ணசாமி அமெரிக்கா புறப்பட்டுச் சென்றார்.

உலக நாடுகள் அனைத்திலும் உள்ள அரசியல்வாதிகள், பத்திரிக்கையாளர்கள் மற்றும் ஆய்வாளர்களை அழைத்துஅரசியல் மற்றும் ஜனநாயக முறைகள் பற்றிய கருத்தரங்கம் ஒன்றை அமெரிக்க அரசு நடத்துகிறது.

இதற்காக ஒவ்வொரு நாட்டிலும் இருந்து சில தலைவர்களை அமெரிக்க அரசு அந்தக் கருத்தரங்கில் பங்கேற்கஅழைத்துள்ளது. இந்தியா சார்பில் அதில் பங்கேற்க 2 பேருக்கு அழைப்பு விடப்பட்டுள்ளது. அவர்களில் புதியதமிழகம் கட்சித் தலைவர் கிருஷ்ணசாமியும் ஒருவர்.

இந்த அழைப்பை ஏற்று செவ்வாய்க்கிழமை கிருஷ்ணசாமி விமானம் மூலம் அமெரிக்கா புறப்பட்டுச் சென்றார்.