உள்ளாட்சித் தேர்தலில் அதிமுகவுடன் கூட்டணி தொடரும் - அப்துல் லத்தீப்

சென்னை:

அடுத்த மாதம் நடைபெறவிருக்கும் உள்ளாட்சித் தேர்தல்களில் அதிமுகவுடன் கூட்டணி வைத்து போட்டியிடப்போவதாக இந்திய தேசிய முஸ்லிம் லீக் கட்சித் தலைவர் அப்துல் லத்தீப் தெரிவித்துள்ளார்.

அடுத்த மாதம் 16 மற்றும் 18 ஆகிய தேதிகளில் தமிழக உள்ளாட்சித் தேர்தல்கள் நடைபெற உள்ளன.

இந்தத் தேர்தலுக்காக, கூட்டணி அமைக்கும் முயற்சிகளில் தற்போது அரசியல் கட்சிகள் வெகு தீவிரமாகஈடுபட்டுள்ளன.

இந்நிலையில், அதிமுகவுடன் ஏற்கனவே கூட்டணி சேர்ந்துள்ள இந்திய தேசிய முஸ்லிம் லீக் கட்சி, வரும்உள்ளாட்சித் தேர்தல்களிலும் அதிமுகவுடனான கூட்டணியையே விரும்புகிறது.

அக்கட்சியின் தலைவர் அப்துல் லத்தீப் இன்று (புதன்கிழமை) நிருபர்களுக்குப் பேட்டியளிக்கும்போது,"அதிமுகவுடனான எங்கள் கூட்டணி தொடர்ந்து நீடிக்கும். வரும் உள்ளாட்சித் தேர்தல்களிலும் அதிமுகவுடன்கூட்டணி வைத்துக் கொண்டே இந்திய தேசிய முஸ்லிம் லீக் போட்டியிடும்" என்றார்.