செயற்கை பூகம்பம் உருவாகக் குதித்த 10 லட்சம் பேர்

லண்டன்:

ஒரே இடத்தில் 10 லட்சம் மாணவ-மாணவிகள் மைதானத்தில் குதித்து, செயற்கை பூகம்பத்தை ஏற்படுத்தும் முயற்சிஇங்கிலாந்தில் நடைபெற்றது.

இந்த (2001) ஆண்டை அறிவியல் ஆண்டாக கொண்டாடி வருகிறது இங்கிலாந்து அரசு. இதையடுத்து லண்டன்நகரில் செயற்கை பூகம்பம் ஏற்படுத்த முயற்சி மேற்கொள்ளப்பட்டது.

இது குறித்து நிகழ்ச்சி அமைப்பாளர் ஒருவர் கூறுகையில்,

சராசரியாக 50 கிலோ எடை கொண்ட 10 லட்சம் பேர் ஓர் இடத்தில் கூடி 1 நிமிடத்திற்கு 20 முறை குதித்தால், அதுபூகம்பம் ஏற்பட்டால் ரிக்டர் அளவு கோலில் 3 என்று பதிவாவதற்கு சமம் என்று விஞ்ஞானிகள் கூறியுள்ளனர்.

இதை பரிசோதனை செய்து பார்ப்பதற்காகத்தான் இந்த நிகழ்ச்சிக்கு ஏற்பாடு செய்யப்பட்டது என்றார்.

ஆனாலும் மாணவ-மாணவிகள் குதித்த போது நில அதிர்வு எதுவும் ஏற்பட்டதா என்பது குறித்த விவரம்தெரியவரவில்லை.