சென்னை-கோட்டை ரயில் நிலையத்தில் கொள்ளை

சென்னை:

சென்னையிலுள்ள கோட்டை ரயில் நிலையத்தில் உள்ள பதிவு அலுவலகத்தில் இன்று (திங்கள்கிழமை) அதிகாலைநுழைந்த ஒரு மர்மக் கும்பல் ரூ.10,000 பணத்தைக் கொள்ளையடித்துச் சென்றது.

கோட்டை ரயில் நிலையத்தில், அதிகாலை 2 மணிக்கு நுழைந்த இந்தக் கும்பல், அங்கிருந்த காவலாளியை அடித்துக்கட்டிப் போட்டனர்.

பின்னர், அங்கிருந்த பதிவு அலுவலகத்தில் நுழைந்து, ரூ.10,000 தொகையைக் கொள்ளையடித்தது.காவலாளியிடமிருந்த பணத்தையும் அக்கும்பல் எடுத்துக் கொண்டு ஓடிவிட்டது.

பின்னர் அதிகாலை 3 மணிக்கு அங்கு வந்த பயணிகள், காவலாளியின் கூக்குரலைக் கேட்டு, ஓடிச் சென்று அவரைக்காப்பாற்றினர்.

இதுகுறித்து, போலீசார் விசாரித்து வருகின்றனர். சென்னையின் முக்கியப் பகுதியான கோட்டை ரயில் நிலையத்தில்கொள்ளை நடந்திருப்பது, அப்பகுதியில் பெரும் பரபரப்பை ஏற்படுத்தியுள்ளது.