பாஜக முயற்சிக்கு ராமதாஸ் வரவேற்பு

சென்னை:

பாட்டாளி மக்கள் கட்சியை மீண்டும் தமிழகத்தில் திமுக தலைமையிலான தே.ஜ. கூட்டணியில் சேர்ப்பதற்கு பாரதியஜனதக் கட்சியினர் எடுத்துவரும் நடவடிக்கைகளை வரவேற்கிறேன் என்று பாமக நிறுவனர் ராமதாஸ் கூறினார்.

வரவிருக்கும் உள்ளாட்சித் தேர்தலில் பாமக மற்றும் மதிமுக ஆகிய கட்சிகள் திமுக கூட்டணியில் சேரவேண்டும்என்று பாஜக வலியுறுத்தி வருகிறது.

இதைத்தொடர்ந்து தைலாபுரத்தில் உள்ள பாமக அலுவலகத்தில் பாஜக முன்னணித் தலைவர்களான மத்தியஅமைச்சர் பொன். ராதாகிருஷ்ணன், சட்டசபை உறுப்பினர் லட்சுமணன் மற்றும் ராஜா ஆகியோர் திங்கள்கிழமைஇரவு ராமதாசைச் சந்தித்தார்கள்.

பின்னர் நிருபர்களிடம் அவர்கள் கூறுகையில், "இது சந்தோசமான சந்திப்பு. அடுத்து வைகோவையும் சந்திப்போம்"என்று கூறினர்.

ராமதாஸ் இதுபற்றிக் கூறுகையில், "இதை நான் வரவேற்கிறேன். பா.ஜ.கவின் இந்த முயற்சி வெற்றி பெற்றால் நான்மகிழ்ச்சி அடைவேன்" என்றார்.