உள்ளாட்சித் தேர்தல் கூட்டணி குறித்து 20ம் தேதிக்குள் முடிவு - ராமதாஸ்

சென்னை:

உள்ளாட்சித் தேர்தல் கூட்டணி தொடர்பாக, வரும் 20ம் தேதிக்குள் முடிவு அறிவிக்க இருப்பதாக, பாமக தலைவர்ராமதாஸ் கூறியுள்ளார்.

சென்னையில் நடந்த கட்சியின் அவசரப் பொதுக்குழுக் கூட்டத்தில் அவர் பேசியதாவது:

உள்ளாட்சித் தேர்தலில், தனித்துப் போட்டியிடவே கட்சியைச் சேர்ந்த பலரும் விரும்புகிறார்கள். நமது பலத்தைப்பரீட்சித்துப் பார்க்கலாம் என்று அவர்கள் விரும்புகின்றனர்.

எனவே, கூட்டணி குறித்து வரும் 20ம் தேதிக்குள் முடிவு செய்வேன். கட்சியின் நலனையும் கருத்தில் கொள்வேன்என்றார் ராமதாஸ்.