பதவியேற்றார் நீதிபதி சுபாஷன் ரெட்டி

சென்னை:

சென்னை உயர் நீதிமன்ற தலைமை நீதிபதியாக நீதிபதி சுபாஷன் ரெட்டி இன்று (புதன்கிழமை) பதவியேற்றுக்கொண்டார்.

சென்னை உயர் நீதிமன்ற நீதிபதியாக இருந்து வந்த என்.கே.ஜெயின் கர்நாடக உயர் நீதிபதியாக மாற்றப்பட்ட பின்,காலியாக இருந்த சென்னை உயர் நீதிமன்ற பதவிக்கு ஆந்திர நீதிமன்ற நீதிபதியாக இருந்த சுபாஷன் ரெட்டியைநியமித்து ஜனாதிபதி கே.ஆர். நாராயணன் கடந்த சனிக்கிழமை உத்தரவு பிறப்பித்தார்.

இதையடுத்து புதன்கிழமை சென்னை ராஜ்பவனில் நடைபெற்ற எளிய நிகழ்ச்சியில், சுபாஷன் ரெட்டிக்கு தமிழகஆளுநராக பொறுப்பு வகித்துவரும் டாக்டர் சி. ரங்கராஜன் பதவிப்பிரமாணம் செய்து வைத்தார்.

சுபாஷன் ரெட்டி ஆங்கிலத்தில் பதவி பிரமாணம் எடுத்துக் கொண்டார்.

சுபாஷன் ரெட்டியின் பதவி பிரமாண நிகழ்ச்சியில் தமிழக முதல்வர் ஜெயலலிதா, தமிழக அமைச்சர்கள், சென்னைநகர மேயர் மு.க. ஸ்டாலின், உயர் நீதிமன்ற நீதிபதிகள், சென்னை பார் கவுன்சில் உறுப்பினர்கள் உள்ளிட்டோர்கலந்து கொண்டனர்.