இன்று பதவியேற்கிறார் தலைமை நீதிபதி சுபாஷன் ரெட்டி

சென்னை:

சென்னை உயர்நீதிமன்ற தலைமை நீதிபதியாக சுபாஷன் ரெட்டி புதன்கிழமை பொறுப்பேற்கிறார்.

சென்னை உயர்நீதிமன்ற தலைமை நீதிபதியாக இருந்த என்.கே.ஜெயின் கர்நாடக உயர்நீதிமன்றத்திற்கு இடமாற்றம்செய்யப்பட்டு விட்டார். இதைத் தொடர்ந்து அவரது இடத்தில் ஆந்திர உயர்நீதிமன்ற மூத்த நீதிபதி சுபாஷன் ரெட்டிநியமிக்கப்பட்டார்.

இதுதொடர்பான ஜனாதிபதி கே.ஆர். நாராயணனின் உத்தரவை சில நாட்களுக்கு முன்பு சுபாஷன் ரெட்டி பெற்றுக்கொண்டார். இதைத் தொடர்ந்து புதன்கிழமை அவர் பதவியேற்றுக் கொள்கிறார்.

ராஜ்பவன் ஆளுநர் மாளிகையில், தமிழக தற்காலிக ஆளுநர் டாக்டர் சி. ரங்கராஜன், சுபாஷன் ரெட்டிக்குபதவிப்பிரமாணம் செய்து வைக்கிறார்.

இந்த நிகழ்ச்சியில், மாநில முதல்வர் ஜெயலலிதா, அமைச்சர்கள், உயர்நீதிமன்ற நீதிபதிகள் மற்றும் பலர் கலந்துகொள்வர்கள் என்று எதிர்பார்க்கப்படுகிறது.