இதுவரை 82 உடல்கள் மீட்பு: 5 பேர் தான் உயிருடன் மீட்பு

நியூயார்க்:

அமெரிக்காவில் நியூயார்க் நகரத்தில் உள்ள உலக வர்த்தக மையத்தின் மீது தீவிரவாதிகள் நடத்திய விமானத்தாக்குதலில் இடிபாடுகளில் சிக்கிப் பலியானவர்களில் 82 பேரின் உடல்கள் மீட்கப்பட்டுள்ளன.

மேலும் உயிருக்குப் போராடிக் கொண்டிருந்த 5 பேர் மட்டுமே உயிருடன் மீட்கப்பட்டுள்ளனர்.

உயிருடன் மீட்கப்பட்டவர்கள் 9 பேர் என்று முதலில் வெளியான தகவல்கள் தெரிவித்தன. ஆனால் 5 பேர் தான்இதுவரை உயிருடன் மீட்கப்பட்டுள்ளனர் என்று தற்போது தெரிய வந்துள்ளது.

இரவு பகல் பாராது தொடர்ந்து மீட்புப் பணிகள் தீவிரமாக நடத்தப்பட்டு வருகின்றன.

நியூயார்க் நகரத்தில் 8 மீட்புக் குழுக்களும், வாஷிங்டன் நகரத்தில் 4 மீட்புக் குழுக்களும், இந்த மீட்புப் பணியில்ஈடுபட்டுவருகின்றன.

மேலும் காயமடைந்தவர்களைக் காப்பாற்ற பல்லாயிரக்கணக்கான பொதுமக்களும் ரத்த தானம் செய்துவருகின்றனர்.

பாலஸ்தீன அதிபர் யாசர் அராபத் மற்றும் இஸ்ரேல் அதிபர் போன்ற உலக நாடுகளின் தலைவர்களும் ரத்த தானம்செய்துள்ளனர்.