மேயர் தேர்தலில் போட்டியிட மாட்டேன்: ஸ்டாலின்

சென்னை:

வரவிருக்கும் உள்ளாட்சி தேர்தலில் நான் போட்டியிட மாட்டேன் என்று சென்னை நகரமேயர் மு.க.ஸ்டாலின் தெரிவித்துள்ளார்.

அடுத்த மாதம் 16 மற்றும் 18ம் தேதிகளில் தமிழகத்தில் உள்ளாட்சி தேர்தல்கள்நடக்கவுள்ளன. அனைத்து கட்சிகளும் தேர்தல் பணிகளில் ஈடுபட துவங்கிவிட்டன.

இந்நிலையில் உள்ளாட்சி தேர்தலில் தான் போட்டியிடப் போவதில்லை என்று சென்னைநகர மேயர் மு.க.ஸ்டாலின் தெரிவித்துள்ளார். இது குறித்து அவர் வெள்ளிக்கிழமைசெய்தியாளர்களிடம் கூறியதாவது:

வரவிருக்கும் உள்ளாட்சி தேர்தலில் போட்டியிடும் எண்ணம் எனக்கு இல்லை. நான்தேர்தலில் போட்டியிட வேண்டும் என்று என் சார்பாக பல தொண்டர்கள் மனுத்தாக்கல்செய்துள்ளனர்.

ஆனால் எனக்கு தேர்தலில் போட்டியிடும் எண்ணம் எதுவும் இல்லை. நான்போட்டியிடுவதாக இருந்திருந்தால் நானே மனு தாக்கல் செய்திருப்பேன்.

கடந்த 5 ஆண்டுகளில் மாநகராட்சி நிர்வாகம் எனக்கு முழு திருப்தி அளித்துள்ளது.கடந்த சில மாதங்களில் அதிகாரிகள் மேலும் ஒத்துழைப்பு கொடுத்திருந்தால் மேலும்பல நலத்திட்டங்களை செயல்படுத்தியிருப்பேன் என்று கூறினார்.

இது குறித்து கருணாநிதி கூறியதாவது:

ஸ்டாலின் உள்ளாட்சி தேர்தலில் போட்டியிடப் போவதில்லை என்று என்னிடமும்,பொதுச் செயலாளரிடமும் தெரிவித்துவிட்டார்.

மேயர் தேர்தலில் யாரை வேட்பாளராக நிறுத்துவது என்பது குறித்து கட்சி முடிவுசெய்யும் என்று கருணாநிதி கூறினார்.