இன்று பெரியாரின் 123வது பிறந்தநாள்

சென்னை:

திராவிடர் கழக தலைவர் தந்தை பெரியாரின் 123வது பிறந்த நாள் விழா இன்று (திங்கள்கிழமை) தமிழகத்தில்சிறப்பாக கொண்டாடப்பட்டது.

பெரியாரின் பிறந்தநாளையொட்டி தமிழக நிதித்துறை அமைச்சர் பொன்னையன், அ.தி.மு.க. எம்.பி. மலைச்சாமிஆகியோர் பெரியார் சிலைக்கு மாலை அணிவித்தனர்.

தி.மு.க. தலைவர் கருணாநிதி, சென்னை நகர மேயர் மு.க.ஸ்டாலின், தமிழக சட்டசபை எதிர் கட்சி தலைவரும்,தி.மு.கவின் மூத்த தலைவர்களில் ஒருவருமான அன்பழகன் ஆகியோரும் பெரியார் சிலைக்கு மாலையிட்டுஅஞ்சலி செலுத்தினர்.

ம.தி.மு.க. பொதுச் செயலாளர் வைகோ, மத்திய அமைச்சர் செஞ்சி ராமச்சந்திரன் ஆகியோர் வேப்பேரியில் உள்ளபெரியார் சிலைக்கு மாலையிட்டு அஞ்சலி செலுத்தினர்.

கம்யூனிஸ்ட் கட்சி தலைவர் நல்லகண்ணு, மக்கள் தமிழ் தேசம் கட்சி தலைவர் கண்ணப்பன் ஆகியோரும் பெரியார்சிலைக்கு மாலை அணிவித்து அஞ்சலி செலுத்தினர்.