விரைவில் சென்னை முக்கிய சாலைக்கு மூப்பனார் பெயர்

சென்னை:

சென்னையிலுள்ள முக்கிய சாலைக்கு தமிழ் மாநில காங்கிரஸ் தலைவர் மூப்பனாரின் பெயர் வைப்பது எனசென்னை மாநகராட்சியில் தீர்மானம் நிறைவேற்றப்பட்டது.

சென்னை மாநகராட்சியின் கடைசிக் கூட்டம் மேயர் ஸ்டாலின் தலைமையில் செவ்வாய்க்கிழமை நடந்தது.கூட்டத்தில் பேசிய தமாகா தலைவர் வெற்றிவேல், சென்னையிலுள்ள முக்கிய சாலை ஒன்றுக்கு மூப்பனார் பெயர்வைக்க வேண்டும் என்று கோரிக்கை விடுத்தார்.

இதுதொடர்பாக தீர்மானம் ஒன்றையும் அவர் கொண்டு வந்தார். இந்தத் தீர்மானம் ஒருமனதாகநிறைவேற்றப்பட்டது. இதேபோல, மூப்பனாருக்கு மறைவுக்குப் பிந்திய பாரதரத்னா விருது வழங்க வேண்டும்என்ற தீர்மானம் கொண்டு வரப்பட்டு நிறைவேற்றப்பட்டது.