பாலஸ்தீன பிரச்சனையோடு காஷ்மீரை ஒப்பிடும் முஷாரப்

இஸ்லாமாபாத்:

காஷ்மீர், பாலஸ்தீன பிரச்சனைகளை தீர்த்தால் தான் தீவிரவாதத்தை ஒழிக்க முடியும் என பாகிஸ்தன் அதிபர் பர்வேஸ் முஷாரப்கூறினார்.

நிருபர்களிடம் இன்று அவர் கூறுகையில், காஷ்மீரில் நடந்து வருவது சுதந்திரப் போர். ஆனால், அங்கு நடந்த கார் குண்டுத்தாக்குதலை பாகிஸ்தான் கண்டிக்கிறது. பொது மக்களைக் கொல்பவர்களை ஏற்றுக் கொள்ள முடியாது. (இத் தாக்குதலை நடத்தியஜெயிஷ்-ஏ-முகம்மது தீவிரவாத அமைப்புக்கு பாகிஸ்தானில் அலுவலகங்கள் உள்ளன என்பது குறிப்பிடத்தக்கது. பாகிஸ்தான்வங்கிகளில் இந்த அமைப்புக்கு கணக்குகள் உள்ளன. இந்த அமைப்பின் தலைவர் மெளலான மசூத் அஸாரை விடுவிக்கச் செய்யத்தான் இந்தியன் ஏர்லைன்ஸ் விமானத்தை பாகிஸ்தான் தீவிரவாதிகள் கடத்திச் சென்றனர்).

காஷ்மீர் பிரச்சனையைத் தீர்த்தால் மட்டுமே இப் பகுதியில் தீவிரவாதத்தை ஒழிக்க முடியும். தீவிரவாதத்தின் அடிப்படையைப்பார்க்க வேண்டும். அரசியல் பிரச்சனைகள் தீவிரவாதத்தை தூண்டிவிடுகின்றன.

அமெரிக்கத் தாக்குதலைக் கண்டித்து சில அமைப்புகள் பாகிஸ்தானில் பிரச்சனையை ஏற்படுத்தி வருகின்றன. இதனால், எனதுஆட்சிக்கு எந்தப் பிரச்சனையும் இல்லை. இந்த அமைப்புகளை கட்டுப்படுத்திவிட முடியும்.