பெண் வேடத்தில் ஆப்கானில் நுழைந்த பிரஞ்சு வாலிபர் கைது

இஸ்லாமாபாத்:

முஸ்லீம் பெண்ணைப் போல உடலை முழுவதுமாக மறைக்கும் புர்ஹா அணிந்து கொண்டு ஆப்கானிஸ்தானுக்குள் நுழைந்த பிரஞ்சுநாட்டைச் சேர்ந்த நபர் தலிபான்களிடம் பிடிபட்டார்.

ஜலாலாபாத் அருகே உள்ள கோஸ்டா நகரில் அவர் பிடிபட்டதாக ஆப்கானிஸ்தான் இஸ்லாமிக் பிரஸ் செய்தி நிறுவனம்தெரிவித்துள்ளது.

அவருடன் மேலும் இரண்டு பேரும் பிடிபட்டனர்.

சில வாரங்களுக்கு முன் பி.பி.சி. செய்தியாளர் ஒருவர் புர்ஹா அணிந்து கொண்டு பெண்ணைப் போல நடித்துஆப்கானிஸ்தானுக்குள் நுழைந்து செய்தி சேகரித்துவிட்டு பத்திரமாகத் திரும்பினார். ஆனால், இந்த பிரஞ்சு நபர் தலிபான்களிடம்சிக்கிவிட்டார். இவர் எதற்காக ஆப்கானிஸ்தானுக்குள் நுழைந்தார் என்று தெரியவில்லை.