அதிமுகவுக்கு அனுதாப ஒட்டு கிடைக்காது: பா.ஜ.க.

மயிலாடுதுறை:

நடைபெறவிருக்கும் உள்ளாட்சித் தேர்தலில் அதிமுகவுக்கு அனுதாப ஓட்டு எதுவும் கிடைக்காது என பாரதியஜனதாக் கட்சியின் மாநிலப் பொதுச் செயலாளர் இல.கணேசன் கூறினார்.

தேசிய ஜனநாயக் கூட்டணியில் அங்கம் வகிக்கும் பா.ஜ.க. மற்றும திமுக வேட்பாளர்களை ஆதரித்துமயிலாடுதுறைப் பகுதிகளில் கணேசன் பிரச்சாரம் செய்துவருகிறார்.

அப்போது அவர் கூறுகையில், நடைபெறவிருக்கும உள்ளாட்சித் தேர்தலில் அதிமுகவுக்கு கடந்த சட்டமன்றத்தேர்தலைப் போல அனுதாபம் ஏற்படாது. அதற்கான வாய்ப்பும் இல்லை.

மேலும் பொதுமக்கள் தீவிரவாதம் குறித்து எந்நேரமும் விழிப்புணர்வுடன் இருக்கவேண்டும். கடந்த 15ஆண்டுகளுக்கும் மேலாகவே பா.ஜ.க. தீவிரவாதத்தை கடுமையாக எதிர்த்து வருகிறது.

இவ்வாறு அவர் கூறினார்.