இது குறுகிய காலத் தாக்குதல் இல்லை: முஷாரப்புக்கு புஷ் பதிலடி

வாஷிங்டன்:

ஆப்கானிஸ்தான் மீது தற்போது அமெரிக்கா நடத்திக் கொண்டிருக்கும் தாக்குதல் குறுகிய காலத் தாக்குதல்கிடையாது என்று பாகிஸ்தான் அதிபர் பர்வேஸ் முஷாரப்புக்கு அமெரிக்க அதிபர் ஜார்ஜ் புஷ் பதிலடிகொடுத்துள்ளார்.

அமெரிக்காவின் தாக்குதல் ஒரு குறுகிய காலத் தாக்குதல்தான் என்று முஷாரப் கூறியிருந்தார். அதற்குப் பதிலடிகொடுக்கும் விதமாகவே புஷ் இவ்வாறு கூறியுள்ளார்.

"பொதுவாக அமெரிக்க ராணுவம் மேற்கொள்ளும் தாக்குதல் திட்டங்கள் பற்றி யாரிடமும் பேசுவது கிடையாது.முஷாரப்புக்கு இது குறுகிய காலத் தாக்குதல்தான் என்று யார் சொன்னார்கள் என்று தெரியவில்லை" என்றுகூறியுள்ளார் புஷ்.

மேலும், "ஒசாமா பின் லேடனைப் பிடிக்கும் வரை அமெரிக்காவின் தாக்குதல் ஓயப் போவதில்லை. எவ்வளவுநாட்கள் ஆனாலும் சரி, பின் லேடனைப் பிடிக்கும் வரை தாக்குதல் தொடர்ந்து கொண்டுதான் இருக்கும்" என்றும்சவால் விட்டுள்ளார் புஷ்.