அமெரிக்க உளவு விமானத்தை சுட்டு வீழ்த்திய ஈராக்

வாஷிங்டன்:

ஈராக் வான்பகுதியில் பறந்துகொண்டிந்த அமெரிக்க உளவு விமானம் சுட்டு வீழ்த்தப்பட்டது.

ஈராக் நாட்டின் தென் பகுதியில் அமெரிக்க உளவு விமானம் பறந்து கொண்டிருந்தது. இந்த விமானம் ஆள்இல்லாமலேயே ரிமோட் கண்ட்ரோல் மூலம் இயங்கக் கூடியது.

நடுவானில் பறந்துகொண்டிருந்த இந்தவிமானத்தை அமெரிக்க ராணுவத் தலைமையகமான பென்டகனில் இருந்துஅதிகாரிகள் கண்காணித்து வந்தனர்.

ஆனால் இந்த விமானம் திடீரென்று காணாமல் போய்விட்டதையறிந்து அதிகாரிகள் அதிர்ச்சியடைந்தனர்.

பிறகு, ஈராக் இந்த விமானத்தைச் சுட்டுவீழ்த்திவிட்டதாக அறிவித்துள்ளது. மேலும் விமானத்தின் நொறுங்கியபகுதிகளையும் அந்நாட்டு தொலைக்காட்சி ஒளிபரப்பியது.