இஸ்லாமிய மாணவர் இயக்கத்துக்குத் தடை: ப.சி. எதிர்ப்பு

சென்னை: இந்திய முஸ்லீம் மாணவர் இயக்கத்தை(சிமி ) தடை செய்ததற்கு மத்திய அரசு காட்டும் ஆதாரங்களைஏற்றுக்கொள்ளக் கூடியதாக இல்லை என்று காங்கிரஸ் ஜனநாயகப் பேரவைத் தலைவர் ப.சிதம்பரம் கூறினார்.

சட்ட விரோதமான செயல்களில் ஈடுபட்டு நாட்டின் பாதுகாப்புக்கு ஊறுவிளைவிக்க முயல்வதாக சிமி இயக்கத்தின்மீது குற்றம்சாட்டப்பட்டு அந்த இயக்கத்தை சமீபத்தில் மத்திய அரசு தடைசெய்தது.

இதுகுறித்து சிதம்பரம் நிருபர்களிடம் கூறியதாவது,

சிமி இயக்கத்தை மத்திய அரசு தடைசெய்ததற்கு வெளியிட்டுள்ள ஆதாரங்கள் ஏற்கக்கூடியதாக இல்லை. இதற்குமேல் இதுகுறித்துக் கருத்துக் கூறவிம்பவில்லை.

தற்போதைக்கு காங்கிரசில் இணையும் உத்தேசம் இல்லை. முதலில் கடந்த 1996ம் ஆண்டு காங்கிரசிலிருந்து பிரிந்துதமிழ் மாநில காங்கிரஸ் ஏன் உருவானது என்று உணரவேண்டும்.

மேலும் மாதவராவ் சிந்தியாவின் மரணத்தால் காங்கிரசில் பெரிய வெற்றிடம் ஏற்கபட்டுவிட்டது என்றுகூறமுடியாது.

ஆப்கான் போர் மூலம் இந்தியாவின் பொருளாதாரத்தில் பாதிப்பு பெரிய அளவில் இருக்கும்.

உள்ளாட்சித் தேர்தலில் நாங்கள் வெற்றிபெற்றால், உள்ளாட்சிப் பணிகளுக்கு அதிக அளவில் நிதி ஒதுக்கவேண்டும்என்று மத்திய மாநில அரசுகளை வலியுறுத்துவோம்.

இவ்வாறு அவர் கூறினார்.