தேர்தல் பிரச்சாரத்தின் போது இளங்கோவனுக்கு மாரடைப்பு

கோயம்புத்தூர்:

கோயம்புத்தூரில் தேர்தல் பிரச்சாரத்தில் ஈடுபட்டிருந்தபோது தமிழக காங்கிரஸ் கட்சித் தலைவர்இளங்கோவனுக்குத் திடீர் மாரடைப்பு ஏற்பட்டதையடுத்து, அவர் உடனடியாக மருத்துவமனையில்சேர்க்கப்பட்டார்.

உள்ளாட்சித் தேர்தல் பிரச்சாரம் நாளை முடிவடைவதைத் தொடர்ந்து, மாநிலம் முழுவதும் சூறாவளிப் பிரச்சாரம்செய்து வருகிறார் இளங்கோவன்.

அதன்படி, இன்று காலை அவர் கோவையில் பிரச்சாரம் செய்து கொண்டிருந்தார். அப்போது திடீரென்று அவருக்குமாரடைப்பு ஏற்பட்டது.

இதையடுத்து, அப்பகுதி முழுவதும் பெரும் பரபரப்புக்குள்ளானது. இளங்கோவன் உடனடியாக கோயம்புத்தூரில்உள்ள தனியார் மருத்துவமனை ஒன்றில் சேர்க்கப்பட்டார்.

அங்கு அவருக்குத் தீவிர சிகிச்சை அளிக்கப்பட்டு வருகிறது.

இளங்கோவனுக்கு மாரடைப்பு ஏற்பட்டதையடுத்து, காங்கிரஸ் தொண்டர்களிடையே பெரும் பரபரப்பு நிலவுகிறது.