தஞ்சாவூர் அருகே சுயேட்சை வேட்பாளர் மரணம்

தஞ்சாவூர்:

தஞ்சாவூர் அருகே உள்ளாட்சித் தேர்தலில் போட்டியிடும் சுயேட்சை வேட்பாளர் மாரடைப்பால் மரணமடைந்தார்.

63 வயதாகும் என். தன்ராஜ் என்பவர் பூதலூர் ஊராட்சி ஒன்றித் தலைவர் பதவிக்குப் போட்டியிட்டார்.

வியாழக்கிழமை அவர் தேர்தல் பிரச்சாரத்தில் ஈடுபட்டுக் கொண்டிருந்தபோது அவருக்குத் திடீரென நெஞ்சு வலிஏற்பட்டது. இதையடுத்து, உடனடியாக அவர் தனியார் மருத்துவமனையில் சேர்க்கப்பட்டார்.

ஆனால் சிகிச்சை பலனளிக்காமல் நேற்று (வெள்ளிக்கிழமை) காலை தன்ராஜ் மரணமடைந்தார்.