ஆஷா போன்ஸ்லேக்கு தாதா சாகிப் பால்கே விருது

டெல்லி:

பிரபல இந்தி பின்னணிப் பாடகி ஆஷா போன்ஸ்லேவுக்கு 2000ம் ஆண்டுக்கான தாதா சாகிப் பால்கே விருதுஅளிக்கப்படுகிறது.

திரைத் துறையில் சாதனை படைப்பவர்களுக்கு ஆண்டுதோறும் தாதா சாகிப் பால்வே விருது வழங்கப்பட்டுவருகிறது.

அந்த வகையில் 2000ம் ஆண்டு தாதா சாகிப் பால்கே விருதுக்காக, பிரபல இந்தி பின்னணிப் பாடகி ஆஷாபோன்ஸ்லே தேர்ந்தெடுக்கப்பட்டுள்ளார்.

அவருக்கு ரூ.2 லட்சம் ரொக்கமும், ஒரு சால்வையும் மற்றும் ஒரு தங்கத் தாமரையும் வழங்கப்படும்.

அவர் இதுவரை 12,000க்கும் மேற்பட்ட திரைப்படப் பாடல்களைப் பாடியுள்ளார். மறைந்த பிரபலஇசையமைப்பாளர் ஆர்.டி. பர்மனின் மனைவியான ஆஷாவுக்கு திரையுலகில் சிறப்பான சாதனை செய்ததற்காகஇந்த விருது வழங்கப்பட்டுள்ளது.

மற்றொரு பிரபல இந்தி பின்னணிப் பாடகியான லதா மங்கேஷ்கரின் தங்கையுமான ஆஷா போன்ஸ்லே,தமிழிலும் சில பாடல்களைப் பாடியுள்ளார்.

தமிழில் அவர் பாடிய "செண்பகமே செண்பகமே..." (படம்: எங்க ஊரு பாட்டுக்காரன்) பாடல் தமிழகத்தின் பட்டிதொட்டிகளிலெல்லாம் மிகவும் பிரபலமான பாடலாகும்.