புதுவைக்கு இன்று புதிய முதல்வர் அறிவிப்பு
பாண்டிச்சேரி:
பாண்டிச்சேரிக்கு புதிய முதல்வரின் பெயர் வெள்ளிக்கிழமை (இன்று) அறிவிக்கப்படும்.
காங்கிரஸ் தலைமையில் அமையவிருக்கும் கூட்டணி அமைச்சரவையில் அதிமுக, தமாகா இடம் பெறாது என்றும்கூறப்படுகிறது.
முன்னாள் முதல்வர் வைத்திலிங்கம், புதுவை காங்கிரஸ் தலைவர் நாராயணசாமி உள்பட பலருடைய பெயர்கள்முதல்வர் பதவிக்கு அடிபடுகின்றன.
பாண்டிச்சேரி காங்கிரஸ் எம்.எல்.ஏக்கள் யாரும் தங்கள் சீட்டை விட்டுக் கொடுக்க முடியாது என்று கூறிவிட்டநிலையில், தன்னுடைய முதல்வர் பதவியை ராஜினாமா செய்ய வேண்டிய கட்டாயத்தில் உள்ளார் சண்முகம்.
காங்கிரஸ் பொதுச் செயலாளர் குலாம் நபி ஆசாத் 2 நாட்களாக இங்குதான் முகாமிட்டுள்ளார்.
சோனியா காந்தியின் அனுமதிக்குப் பின்னர் யார் புதிய முதல்வர் என்பது தெரிந்துவிடும்.
பி. கண்ணன் தலைமையிலான மக்கள் காங்கிரஸ், தற்போது அமையவிருக்கும் புதிய அரசுக்கு நிபந்தனையற்றஆதரவு அளிக்கும் என்று கூறியுள்ளது.