சென்னையில் திருட்டு விசிடிக்கள் விற்ற 2 பேர் கைது

சென்னை:

சென்னையில் சில வீடியோ கடைகளில் போலீசார் நடத்திய அதிரடி சோதனையில் திருட்டு வி.சி.டி.க்களைவிற்பனை செய்து வந்த 2 பேரைக் கைது செய்து, அவர்களிடமிருந்து ஏராளமான வி.சி.டிக்களை போலிசார்கைப்பற்றினர்.

சென்னை புளியந்தோப்புப் பகுதியில் திருட்டு வி.சி.டி.க்கள் விற்கப்படுவது குறித்து போலீசாருக்கு ரகசியத்தகவல்கள் வந்தது. இதைத்தொடர்ந்து சென்னை திருட்டு வி.சி.டி. குற்றத் தடுப்புப் போலீசார் அதிரடி சோதனைநடத்தினர்.

இதில் புளியந்தோப்பு பகுதியில் உள்ள எஸ்.ஓ.எஸ்.வீடியோ விஷன் மற்றும் பாட்ஷா வீடியோ விஷன் ஆகியகடைகளில் திரைக்குவந்து சில வாரங்களே ஆன அர்ஜூன் நடித்த "வேதம்", அஜித் நடித்த "பூவெல்லாம் உன்வாசம்", பிரபு தேவா நடித்த "அள்ளித் தந்த வானம்" ஆகிய திரைப்படங்களின் வி.சி.டி.க்கள் கைப்பற்றப்பட்டன.

இதையடுத்து அந்த வீடியோ கடைகளை நடத்திவந்த செல்வம், மகபூப் பாட்ஷா ஆகியோரை போலீசார் கைதுசெய்தனர். அவர்களிடமிருந்து நூற்றுக்கணக்கான வி.சி.டிக்களை போலீசார் பறிமுதல் செய்தனர்.