இந்தியா-பாகிஸ்தான் துப்பாக்கிச் சண்டை தொடர்கிறது

ஜம்மூ:

காஷ்மீர் எல்லைக் கட்டுப்பாட்டுப் பகுதியில் நடந்த துப்பாக்கிச் சண்டையில் 3 பாகிஸ்தானிய பதுங்கு குழிகளைஇந்தியப் படைகள் அழித்தன. இத் தாக்குதலில் இந்தியத் தரப்பில் 2 பொது மக்கள் காயமடைந்தனர்.

பூஞ்ச் செக்டர் பகுதியில் கரி கர்மாரா, சலோத்ரி, ஜுலாஸ் ஆகிய இடங்களில் நேற்றிரவு பாகிஸ்தானியப்படையினர் இந்தியப் படைகள் மீது துப்பாக்கித் தாக்குதல் நடத்தின. இதையடுத்து இந்தியா கடும் பதிலடி தந்தது.

மார்ட்டர் துப்பாக்கிகள் கொண்டு இந்தியா தாக்கியதில் பாகிஸ்தானின் 3 பதுங்கு குழிகள் தீ பிடித்து எரிந்துநாசமாயின.

அப்போது வயல்வெளியில் நின்றிருந்த மதன் லால், அஜய் குமார் ஆகியோர் பாகிஸ்தானிய படையினர் துப்பாக்கிக்குண்டுகள் தாக்கி காயமடைந்தனர்.