காண்டஹாரில் அமெரிக்க தரைப்படை திடீர் தாக்குதல்

வாஷிங்டன்:

அமெரிக்கப் தரைப் படையினர் ஆப்கானிஸ்தானில் இரவில் நுழைந்து தாக்குதல் நடத்தியுள்ளன.

இந்தியப் பெருங்கடலில் நிறுத்தப்பட்டுள்ள அமெரிக்க விமானம் தாங்கி போர்க் கப்பலான யு.எஸ்.எஸ். கிட்டியில்இருந்து நேற்றிரவு (வெள்ளிக்கிழமை) ஹெரிகாப்டர்களில் புறப்பட்ட அமெரிக்க ரேஞ்சர்ஸ் படையினர்காண்டஹார் நகரின் விமானப் படைத் தளத்தின் அருகே சென்று இறங்கினர்.

அவர்கள் தரையில் குதித்ததுமே அங்கு பாதுகாப்புப் பணியில் ஈடுபட்டிருந்த தலிபான் வீரர்கள் துப்பாக்கிகளால் சுடஆரம்பித்தனர்.

இதையடுத்து அமெரிக்கப் படையினர் தலிபான் வீரர்களுடன் தீவிர துப்பாக்கிச் சண்டையில் ஈடுபட்டனர். இதில்பல தலிபான்கள் கொல்லப்பட்டதாகத் தெரிகிறது.

இந்தத் தாக்குதலை நடத்தி விட்டு உடனடியாக அமெரிக்க வீரர்கள் ஹெலிகாப்டர்களிலேயேஆப்கானிஸ்தானிலிருந்து வெளியேறி தப்பிவிட்டனர்.

ஆனால், இந்தத் தாக்குதல் குறித்த விவரங்களைத் தெரிவிக்க அமெரிக்க பாதுகாப்புத்துறை அமைச்சர் டொனால்ட்ரம்ஸ்பீல்ட் மறுத்துவிட்டார். அங்கு என்ன நடக்கிறது என்பது குறித்து வெளியில் விளக்க மாட்டோம் என்றார்.