இந்திய விமான தளத்தை தாக்கும் முயற்சி முறியடிப்பு

ஸ்ரீநகர்:

ஸ்ரீநகரில் இந்திய விமான தளத்தின் மீது தாக்குதல் நடத்த முயன்ற 4 தீவிரவாதிகளைஎல்லை பாதுகாப்பு படையினர் (பி.எஸ்.எப்) சுட்டு வீழ்த்தினர்.

இந்திய விமானப் படைத் தளத்தின் மீது தாக்குதல் நடத்த தீவிரவாதிகள் முயன்றதுஇதுவே முதல்முறையாகும்.

இந்த மாதம் 1ம்தேதி ஸ்ரீநகர் சட்டசபை வளாகத்தின் மீது தீவிரவாதிகள் நடத்தி 34பேர் கொல்லப்பட்ட சம்பவத்தையடுத்து ஜம்மு- காஷ்மீர் பகுதியில் பாதுகாப்பு மேலும்அதிகப்படுத்தப்பட்டுள்ளது.

பாகிஸ்தான் தீவிரவாதிகள் இந்தியாவில் ஊடுறுவதை தவிர்க்கும் விதமாக எல்லைபகுதியிலும் இந்திய படைகள் முன்னெச்செரிக்கை நடவடிக்கைகள் எடுத்துவருகின்றனர்.

இந்நிலையில் விமான தளத்தின் மீது தீவிரவாதிகள் நடத்த முயன்ற தாக்குதலைபி.எஸ்.எப். முறியடித்தது.

இது குறித்து அதிகாரிகள் கூறியதாவது:

ஸ்ரீநகருக்கு அருகே உள்ள, குயில் ராணுவ விமான தளத்தின் மீது தாக்குதல்நடத்துவதற்காக தீவிரவாதிகளின் தற்கொலை படையைச் சேர்ந்த 4 பேர் பகல் 2.30மணியளவில் மெடடோர் வேனில் வந்தனர்.

அவர்கள் விமான தளத்தின் நுழைவு வாயில் அருகே பாதுகாப்பு பணியில்ஈடுபட்டிருந்த பாதுகாப்பு படையினரை நோக்கி கண்மூடித்தனமாக சுட்டனர்.

பாதுகாப்பு படையினரும் திருப்பி சுட்டனர். இதில் வேனில் வந்த 4 தீவிரவாதிகளும்கொல்லப்பட்டனர்.

தீவிரவாதிகள் சுட்டதில் இந்திய ராணுவ ஊழியர் ஒருவர் கொல்லப்பட்டார். ஒரு பி.எஸ்.எப். வீரரும், ஒரு விமானப் படை வீரரும் காயமடைந்தனர்.

இந்த விமானப் படைத் தளம் மிகச் சிறப்பாக பாதுகாக்கப்பட்டு வரும் பகுதிகளில்ஒன்று என்பது குறிப்பிடத்தக்கது.