22வது நாளாக தொடர்கிறது தாக்குதல்

காபூல்:

அமெரிக்க விமானங்கள் 22வது நாளாக இன்று காலை (திங்கள்கிழமை) ஆப்கானிஸ்தான் தலைநகர் காபூலிலும்மஷார்-ஏ-ஷெரீப் நகரிலும் குண்டுமழை பொழிந்து வருகின்றன.

அதிகாலையில் காபூலுக்கு வடக்கே தாக்குதல் நடத்திவிட்டு சில விமானங்கள் காபூல் மீது பறந்து வந்தன. அவைசரமாரியாக குண்டுகளை வீசின. இதில் மூன்று மிகப் பெரிய குண்டுகள் நகருக்குள் விழுந்து வெடித்தன என காபூல்நகரவாசிகள் தெரிவித்தனர். குண்டுகளை வீசிய பிறகு 5 நிமிடங்கள் இந்த விமானங்கள் அங்கேயே வட்டமிட்டன.பின்னர் தான் அங்கிருந்து பறந்து சென்றன என்றனர்.

இந்த விமானங்களை நோக்கி தலிபான் வீரர்கள் விமான எதிர்ப்பு பீரங்கிகளைக் கொண்டு சுட்டனர். ஆனால்,இதையும் மீறி அந்த விமானங்கள் தாக்குதல் நடத்தியதாக பொது மக்கள் தெரிவித்தனர்.