புதுவை முதல்வராக 27ம் தேதி பதவியேற்கிறார் ரங்கசாமி

சென்னை:

பாண்டிச்சேரி முதல்வராக ரங்கசாமி 27ம் தேதி பதவியேற்பார் என்று கூறப்படுகிறது.

பாண்டிச்சேரி முதல்வராக இருந்து வந்த சண்முகம் தனது பதவியை ராஜினாமா செய்து விட்டதால் அவருக்குப் பதில்புதிய முதல்வராக ரங்கசாமி தேர்வு செய்யப்பட்டுள்ளார்.

அவரது நியமனத்தை குடியரசுத் தலைவர் கே.ஆர். நாராயணனும் அங்கீகரித்துள்ளார். இதையடுத்து ரங்கசாமிபதவியேற்பதற்கு எந்தத் தடையும் இல்லை.

இதையடுத்து வரும் வெள்ளிக்கிழமை ரங்கசாமி புதிய முதல்வராக பதவியேற்கலாம் என்று தெரிகிறது. அவருடன்5 புதிய அமைச்சர்களும் பதவியேற்பார்கள் என்றும் கூறப்படுகிறது.

தமாகா, அதிமுக ஆகிய கட்சிகளுக்கு அமைச்சரவையில் இடம் இல்லை என்பது உறுதியாகி விட்டது. அதற்குப்பதில் புதுவை மக்கள் கட்சிக்கு அமைச்சரவையில் இடம் கொடுக்கப்படுகிறது.

புதிய முதல்வர் ரங்கசாமிக்கு பாண்டிச்சேரி துணை நிலை ஆளுநர் ரஜினி ராய் பதவிப்பிரமாணம் செய்து வைப்பார்.