3 ஆண்டுகளுக்கு முன் ஆந்த்ராக்ஸ் வாங்கிய பின்லேடன்

லண்டன்:

3 ஆண்டுகளுக்கு முன்பே ஆந்த்ராக்ஸ் பாக்டீரியாக்களை பின் லேடன் வாங்கிவிட்டார் என அவரது முக்கியகூட்டாளியான அகமத் இப்ராகிம் அல்-நஜ்ஜார் கூறியுள்ளார்.

அஸ்-காய்தாவின் முக்கிய உறுப்பினரான நஜ்ஜார், எகிப்தில் அரசைக் கவிழ்க்க முயன்று கடந்த ஆண்டு கைதுசெய்யப்பட்டார். இன்னும் அந் நாட்டு சிறையில் தான் அடைக்கப்பட்டுள்ளார்.

அவர் சமீபத்தில் நீதிமன்றத்தில் அளித்த வாக்குமூலம் பெரும் அதிர்ச்சியைத் தந்துள்ளது.

அவர் கூறுகையில், ஒசாமா பின் லேடன் 3 ஆண்டுகளுக்கு முன்பே ஆந்த்ராக்ஸ் பாக்டீரியங்களை வாங்கிவிட்டார்.இந்தோனேஷியாவில் உள்ள இஸ்லாமிய அமைப்பு மூலமாக 3,500 டாலர் பணம் கொடுத்து இதை வாங்கினார்.

பின்னர் கிழக்கு ஐரோப்பாவில் உள்ள ஒரு ஆய்வகத்திடம் 7,000 டாலர் பணம் கொடுத்து ஈ-கோலி,சால்மோனெல்லா பாக்டீரியாக்களையும் வாங்கியுள்ளார்.

பின்லேடனின் செயல்கள் அனைத்தையும் நான் ஆதரிக்கிறேன். இஸ்லாமின் விரோதியான அமெரிக்காவுக்குஅவர் பாடம் புகட்டிவிட்டார் என்றார் நஜ்ஜார்.