இன்று பதவியேற்கிறார் மு.க.ஸ்டாலின்

சென்னை:

சென்னை மாநகர மேயராக மு.க.ஸ்டாலின் வியாழக்கிழமை பொறுப்பேற்கவுள்ளார்.

திமுக தலைவர் கருணாநிதியின் மகனும், திமுக இளைஞரணி செயலாளருமான மு.க.ஸ்டாலின் சென்னை நகரின் மேயராக மீண்டும் தேர்வுசெய்யப்பட்டுள்ளார். வெள்ளை மாளிகை என சென்னைவாசிகளால் அன்புடன் அழைக்கப்படும் ரிப்பன் கட்டடத்தில் காலை 10 மணிக்குநடக்கும் பதவியேற்பு விழாவில் மு.க.ஸ்டாலினுக்கு, மெட்ரோபாலிடன் முதன்மை செஷன்ஸ் நீதிபதி அசோக் குமார் பதவிப்பிரமாணம்செய்து வைக்கிறார். அதன் பிறகு புதிய கவுன்சிலர்களுக்கு ஸ்டாலின் பதவிப்பிரமாணம் செய்து வைப்பார்.

ஸ்டாலின் குறித்த சில பின்னணியை இங்கே பார்ப்போம் ..

• மக்களால் நேரடியாக தேர்ந்தெடுக்கப்பட்ட முதல் சென்னை மேயர் ஸ்டாலின்தான்.

• தொடர்ந்து இரண்டாவது முறையாக தேர்வு செய்யப்பட்டு மேயர் பதவியில் அமரும் முதலாவது மேயரும் ஸ்டாலின்தான்.
• இதுவரை சென்னை நகரில் மேயர்களாக இருந்தவர்கள் யாரும் செய்யாத அளவில் பல்வேறு வளர்ச்சித் திட்டங்களை தனதுகடந்த ஐந்து ஆண்டு பதவிக்காலத்தின்போது ஸ்டாலின் செய்து சென்னை மேயர் பதவிக்கு புதிய பெருமையைத் தேடித் தந்துள்ளார்.

• சென்னை நகரத் தூய்மைக்காக வெளிநாட்டு நிறுவனமான ஓனிக்ஸ் நிறுவனத்தை பணியில் அமர்த்தி இன்று அது சென்னை மக்களின் மனதில் நீங்காத இடத்தைப் பிடித்துள்ளது. ஓனிக்ஸ் நிறுவன சுத்திகரிப்பாளரை தெருவில் பார்க்காவிட்டால் மக்கள் கவலைப்படும் அளவுக்கு அந்த நிறுவனம் சென்னை மக்களிடம் இரண்டறக் கலந்து விட்டது.
• திட்டம் துவங்கியபோது கடும் விமர்சனத்திற்குள்ளானபோதும் சென்னையின் பல பகுதிகளில் போக்குவரத்து நெருக்கடி குறைந்து மிகவும் உபயோகரமாக இருக்கும் சிறு பாலங்கள் ஸ்டாலினின் கருத்தில் உருவானவை. சென்னையின் அடையாள மையங்களாக இந்த பாலங்கள் இன்று உருவாகி விட்டன.
  சென்னையைப் போலவே, மதுரை, கோவை, திருச்சி, சேலம், நெல்லை ஆகிய மாநகராட்சி மேயர்களும், நகராட்சித் தலைவர்களும்,பேரூராட்சித் தலைவர்களும் வியாழக்கிழமை பதவியேற்றுக் கொள்கிறார்கள்.