அமெரிக்காவை எதிர்த்து மதுரையில் முஸ்லீம்கள் ஆர்ப்பாட்டம்

மதுரை:

மதுரையில் உள்ள பள்ளி வாசல்களில் நேற்று வெள்ளிக்கிழமை தொழுகை முடிந்த பிறகு ஆப்கான் மீதுஅமெரிக்கா தாக்குதல் நடத்தி வருவதைக் கண்டித்து ஆர்ப்பாட்டம் நடத்தப்பட்டது.

மதுரையில் வெள்ளிக்கிழமை வழக்கம் போல அனைத்துப் பள்ளிவாசல்களிலும் தொழுகை நடந்தது. தொழுகைமுடிந்தவுடன் சுமார் 74 பள்ளிவாசல்களைச் சேர்ந்த முஸ்லீம் மக்கள் இந்த ஆர்ப்பாட்டத்தில் கலந்து கொண்டனர்.

ஆர்ப்பாட்டத்தின் போது ஆப்கானிஸ்தானில் உடனடியாக தாக்குதலை நிறுத்த வேண்டும் என்று கோஷம்எழுப்பப்பட்டது.

இந்த ஆர்ப்பாட்டத்திற்கு இஸ்லாமிய அமைப்புக்கள் ஏற்பாடு செய்திருந்தன. ஆர்ப்பாட்டம் எந்தவிதஅசம்பாவிதமும் இன்றி அமைதியாக நடைபெற்றது.