தண்டபாணி மறைவுக்கு கருணாநிதி இரங்கல்

சென்னை:

திமுக மூத்த தலைவர்களில் ஒருவரான சி.டி.தண்டபாணி மறைவுக்கு திமுக தலைவர் கருணாநிதி மற்றும்அக்கட்சியின் பொதுச் செயலாளர் அன்பழகன் ஆகியோர் இரங்கல் தெரிவித்துள்ளனர்.

இதுகுறித்து அவர் சென்னையில் இன்று (ஞாயிற்றுக்கிழமை) வெளியிட்டுள்ள இரங்கல் செய்தியில்கூறியிருப்பதாவது:

திமுக மூத்த தலைவர்களில் ஒருவரான தண்டபாணி கட்சியின் வளர்ச்சிக்காக பெரிதும் பாடுபட்டவர். எந்தப்பொறுப்பைக் கொடுத்தாலும் அதை கச்சிதமாக செய்து முடிக்கும் செயல் வீரர்.

கட்சியின் சார்பில் அவரது இறுதிச் சடங்கில் கலந்துகொள்ள மத்திய அமைச்சர் டி.ஆர்.பாலு, முன்னாள் தமிழகஅமைச்சர் துரைமுருகன் மற்றும் குப்புசாமி எம்.பி.ஆகியோர் அனுப்பி வைக்கப்பட்டுள்ளனர் என்றார்.

திமுக பொதுச் செயலாளர் அன்பழகனும், தண்டபாணியின் மறைவுக்கு ஆழ்ந்த இரங்கல் தெரிவிப்பதாகக் கூறினார்.