நட்பு, புரிந்து கொள்ளுதல், விட்டுக் கொடுத்தல் திமுகவில் இல்லை - இல. கணேசன்

சென்னை:

நட்பு, புரிந்து கொள்ளும் தன்மை, விட்டுக் கொடுக்கும் மனப்பான்மை ஆகியவை திமுகவின் கீழ்மட்டத்தொண்டர்களிடையே காணப்படாததால்தான் நடந்து முடிந்த உள்ளாட்சித் தேர்தலில் திமுக தலைமையிலானகூட்டணி தோல்வியடைந்தது என்று தமிழக பாஜக பொதுச் செயலாளர் இல. கணேசன் கூறினார்.

அவர் இன்று (திங்கள்கிழமை) நிருபர்களிடம் கூறியதாவது:

கடந்த சட்டசபைத் தேர்தல் சமயத்தில் திமுக தொண்டர்கள் அனைவருமே நல்ல ஒத்துழைப்பு தந்தார்கள். அந்தஅளவுக்குக் கூட தற்போது அவர்கள் ஒத்துழைப்பு தரவில்லை.

நட்பு, புரிந்து கொள்ளும் தன்மை, விட்டுக் கொடுக்கும் மனப்பான்மை ஆகியவை திமுகவின் கீழ்மட்டத்தொண்டர்களிடையே காணப்படவில்லை.

இது எங்களுக்குப் பெருத்த ஏமாற்றத்தைக் கொடுத்துவிட்டது. கூட்டணியில் பாஜகவும் இருக்கிறது என்பதையேதிமுகவினர் மறந்துவிட்டனர் என்றார் இல. கணேசன்.