புதுவை அமைச்சரவையில் அதிமுக, த.மா.காவுக்கு இடமில்லை

பாண்டிச்சேரி:

பாண்டிச்சேரி அமைச்சரவையில் அதிமுகவும், தமிழ் மாநில காங்கிரஸும் இடம் பெறாது என்று உறுதியாகத் தெரிய வந்துள்ளது.

பாண்டிச்சேரியில் ரங்கசாமி தலைமையில் காங்கிரஸ் ஆட்சி அமைந்துள்ளது. அமைச்சர்கள் யாரும் இதுவரை நியமனம்செய்யப்படவில்லை.

இதுதொடர்பாக அதிமுக பொதுச் செயலாளர் ஜெயலலிதா, தமாகா தலைவர் ஜி.கே.வாசன் ஆகியோரை முதல்வர் ரங்கசாமிசென்னை வந்து நேரில் சந்தித்துப் பேசினார்.

அமைச்சரவையில் சேருவது குறித்து இரு தலைவர்களும் இதுவரை காங்கிரஸ் தரப்பிடம் பதில் ஏதும் சொல்லவில்லை. இந்தநிலையில் அமைச்சரவை நியமனம் குறித்து விவாதிப்பதற்காக ரங்கசாமி டெல்லி சென்றுள்ளார்.

காங்கிரஸ் மற்றும் கூட்டணிக் கட்சியான புதுவை மக்கள் காங்கிரஸ் வசம் உள்ள மொத்தம் 17 எம்.எல்.ஏக்களிலிருந்துஅமைச்சர்களைத் தேர்வு செய்வது குறித்து அவர் சோனியா காந்தியிடம் ஆலோசனை நடத்துவார்.

அதன் பிறகு அமைச்சர்கள் யார் என்பது தெரிய வரும்.