மதுரை துணை மேயர் தேர்தலில் திமுக போட்டி

சென்னை:

மதுரை துணை மேயர் தேர்தலில் கவுன்சிலர் சின்னச்சாமி போட்டியிடுவார் என்று திமுக தலைமைக் கழகம்அறிவித்துள்ளது.

மதுரை மாநகராட்சியில் திமுக மற்றும் அதிமுக கூட்டணிக் கட்சிகளுக்கிடையே சம பலம் ஏற்பட்டுள்ளது. ஓரிருஉறுப்பினர்கள் வித்தியாசமே உள்ளது. இருப்பினும் அதிமுக தரப்பில் வெற்றிக்குத் தேவையான 37 கவுன்சிலர்கள்உள்ளனர். ஆனால் திமுகவிடம் 35 உறுப்பினர்களே உள்ளனர்.

இதனால் தேர்தல் தினத்தன்று யாராவது கட்சி மாறி ஓட்டுப் போட்டால் நிலைமை மாறி விடும் என்று மாநகராட்சிகவுன்சிலர்கள் மத்தியில் பேச்சு எழுந்துள்ளது.

இந்த நிலையில் திமுக சார்பில் கவுன்சிலர் சின்னச்சாமி போட்டியிடுவார் என்று திமுக தலைமைக் கழகம்அறிவித்துள்ளது. இதையடுத்து போட்டி சூடு பிடித்துள்ளது.

சுயேச்சைக் கவுன்சிலர்களை விலைக்கு வாங்குவதில் திமுகவும்,அதிமுகவும் கடுமையான முயற்சிகளில்இறங்கியுள்ளன. சுயேச்சை வேட்பாளர்களும் நினைத்தபடி கோரிக்கை(?) வைப்பதாகக் கூறப்படுகிறது.