ஆப்கானிஸ்தானின் அணை தகர்ப்பு

இஸ்லாமாத்:

அமெரிக்க விமானங்களின் குண்டு வீச்சுத் தாக்குதலில் ஆப்கானிஸ்தானின் மிகப் பெரிய அணைக்கட்டு பலத்தசேதமடைந்தது.

தாக்குதலால் பாதிக்கப்பட்ட அணையிலிருந்து இன்னும் தண்ணீர் வெளியேறவில்லை என்றாலும், மீண்டும் இதன்மீது தாக்குதல் நடந்தால் அணை முழுவதும் பாதிக்கப்படும்.

இதனால் கடும் வெள்ளப் பெருக்கு ஏற்பட்டு ஆயிரக்கணக்கானவர்கள் இறந்து போகும் அபாயம் ஏற்பட்டுள்ளது.

நேற்று (புதன்கிழமை) நடத்தப்பட்ட மற்றொரு தாக்குதலில் ஹெல்மேண்டில் உள்ள கஜாக்கி மின் உற்பத்திநிலையம் தகர்க்கப்பட்டது. இதனால் காண்டஹார் மற்றும் லஷ்கார்கா நகரங்களுக்கான மின்சார சப்ளைமுழுவதுமாகத் துண்டிக்கப்பட்டு விட்டது.