இலங்கை: புலிகள் தாக்குதலில் 11 போலீசார் பலி

கொழும்பு:

இலங்கையில் போலீஸ் முகாமின் மீது இன்று (வியாழக்கிழமை) விடுதலைப்புலிகள் நடத்திய தாக்குதலில் 11போலீசார் கொல்லப்பட்டனர்.

இது குறித்து ராணுவ செய்தி தொடர்பாளர் கருணரத்னே கூறியதாவது:

இலங்கையின் திரிகோணமலைக்கு 3 கிலோமீட்டர் தெற்கே அமைந்துள்ள முட்டார் பகுதியில் போலீஸ் முகாமின்மீது விடுதலை புலிகள் நடத்திய தாக்குதலில் 11 போலீசார் கொல்லப்பட்டனர்.

இத்தாக்குதலின்போது மேலும் 5 போலீசாரும் பல ராணுவ வீரர்களும் காயமடைந்தனர்.

விடுதலை புலிகள் தரப்பில் ஏற்பட்ட இழப்பு குறித்து எதுவும் உடனடியாக தெரியவரவில்லை என்று கூறினார்கருணரத்னே.